Cookies are used for analytics and marketing. Enable JavaScript to manage preferences, or see our Privacy Policy.

Abstracts Education

Add abstract

Want to add your dissertation abstract to this database? It only takes a minute!

Search abstract

Search for abstracts by subject, author or institution

Share this abstract

dissertation.com
on Facebook

An investigation of the effectiveness of technology in open distance learning : a case study of the University of South Africa

by Patrick Zingisa Msekelwa

Institution:	University of South Africa
Department:	Adult Basic Education (ABET)
Degree:	PhD
Year:	2022
Keywords:	Distance learning; Online learning; Connectivism; Transactional distance; Open Distance and e-Learning; Community of Inquiry; Afstandonderrig; Aanlynonderrig; Konnektiwiteit; Transaksionele afstand; Oopafstand- en E-leer; Gemeenskap van Ondersoek; Uqhagam
Posted:	3/25/2025
Record ID:	2263531
Full text PDF:	http://hdl.handle.net/10500/30196

Abstract

Amaziko Emfundo Yakude athe chu ukusebenzisa ubuxhakaxhaka bokufundisa nokunxibelelana nabafundi bawo abaziintlobo ngeentlobo. IDyunivesithi yoMzantsi Afrika (Unisa) isebenzisa indlela yokufunda kude nge-Intanethi ebizwa nge-Opheni Disistentsi andi E-leningi (ODeL) ukufikelela kubafundi abakwimimandla ethe qelele. Njengoko kusenyuka ukusetyenziswa kobuxhakaxhaka, iyantlukwano ngobugcisa bobuxhakaxhaka ngumceli mngeni kubafundi kuba kunzima ukungena kwi-Intanethi. Olu phando luye lwaphonononga uncwadi kwimithombo yolwazi yamva nje, efana neencwadi, izahluko ezithile kwiincwadi, iingxoxo zeenkomfa kunye neengxelo zamanqaku apapashiweyo ezijolise kwimpumelelo yokusebenza kobuxhakaxhaka kwi-ODeL. Olu phando lusebenzise indlela yokuqokelela ulwazi ngqo kubathathi-nxaxheba. Kwakhona uphando lusekelwe kwindlela yemfuna-lwazi ejolise kuluntu oluphandwayo, ukuhlalutya ulwazi oluqokelelwe kubafundi abafunda nge-ODeL. Olu phando lusebenzise umzekeliso wokuxela ulwazi onebango lokuba ubukho bento okanye ubunyaniso yinto eneenkalo ezininzi, entsokothileyo enokuthi itolikwe ngeendlela ezohlukeneyo. Indlela yokufuna ulwazi ngqo kubathathi-nxaxheba iyilwe ngokujonga umzekelo othile yaye ibonakale iyeyona ndlela efanele olu phando; njengoko, imo yayo igqibelele. Umphandi uye wasebenzisa iqhinga elijolise ukufumana abathathi-nxaxheba abali-12 abakule meko ngqo besuka kwii-ofisi ezimbini zase-Unisa ezikwiPhondo laseMpuma Koloni. Kuqhutywe iingxoxo nabathathi-nxaxheba ngendlela ebuza imibuzo evalekile naleyo engena nzulu ukuveza izimvo kunye namava abo okusebenzisa ubuxhakaxhaka. Ulwazi oluqokelelweyo luye lwahlalutywa ngokujonga imixholo esisikhokelo senkqubo yokuchonga imixholo equlathwe kwiinkcukacha eziqokelelweyo. Iziphumo zibonisa impumelelo ekusetyenzisweni kobuxhakaxhaka ngabafundi ngoba luye lwaphucuka unxibelelwano, abafundi baye basebenza ngcono kwizifundo zabo nakwiimviwo zabo, kwaye izinga lempumelelo liyancomeka.